"Яңа гасыр" телевидениесе Чаллы язучылары турында тапшыру әзерли
Бүген Бөтендөнья Татар конгрессының Чаллы бүлегендә "Яңа гасыр" телевидениесенең Илзирә Юзаева җитәкчелегендәге иҗат төркеме эшлекле очрашуда булды.
Чаллы бүлеге җитәкчесе, язучы Факил Сафин белән шәһәрдәге рухи тормыш, милли мәгариф торышы, халкыбыз алдында торган катлаулы мәсьәләләр хакында җанлы әңгәмә кордылар. Очрашуда шагыйрәләр Лилия Гыйбадуллина, Айзирә Бадикова, Гөлназ Нуриева, 41 мәктәп укытучысы Гөлия Вәгыйзова, 52 мәктәп укытучысы Алия Корбанова һәм шәһәребездә яшәп иҗат итүче яшь каләм ияләре белән дә аралашу булды.
Әлеге чара турында ТНВ каналының "Замана көзгесе" тапшыруы 24нче июль көнне 20:00 сәгатьтә эфирга чыгачак, карамый калмагыз!
Следите за самым важным и интересным в Telegram-каналеТатмедиа
Нет комментариев