Зифа Нагаева - мәртәбәле фестиваль җиңүчесе

Татарстанның һәм Башкортостанның халык артисты Зифа Нагаева исеме җыр сөючеләргә яхшы таныш. Уфада яшәсә дә, Татарстанда узган чараларда да актив катнаша ул. 

Зифа ханым "Өченче бөтенроссия каз өмәсе" фестивалендә "Әнкәемнең ак казлары" җыры белән катнашты. Авылдагы балачак, әни турындагы күңелләрне айкый торган җыры жюри югары бәяләде. Мөслимдә татар өе музей комплекста узган чарада Зифа Нагаеваның бәйге - фестивальдә беренче урын алуы билгеле булды. 

"Бик матур чара. Әниле, казлы балачагыма кайткан кебек булдым. Хәтирәләрем яңарды. Җырымны югары бәяләгәннәре өчен, шундый кирәкле милли чара уздырган өче бөтендөнья татар конгрессына, "Ак калфак" оешмасына рәхмәт. "Әнкәемнең ак казлары" җыры белән җиңү - ул халкымның җиңүе", - диде күпкырлы талант иясе Зифа Нагаева.