Звенигородта югалган бер баланы таптылар

Звенигородта өч баланың югалуы турында язган идек.
РЕН ТВ мәгълүматларына караганда, яшүсмерләр боз астына киткән урыннан ике километр ераклыкта  12 яшьлек Иванның үле гәүдәсен тапканнар. 
Калган балалаларны эзләү дәвам итә. 
Бу эшкә 130 кеше, 46 берәмлек техника җәлеп ителгән. «Оператив штаб эзләү зонасын киңәйтте. Коткаручылар Москва-река акваториясен һәм аның тирәсен тикшерәләр», – диелә хәбәрдә.
Хокук саклау органнары әлеге факт буенча җинаять эше кузгаттылар.