Помидор орлыгын кайчан утыртырга?

Орлык чәчүгә керешкәнче Ай календаре буенча моның өчен иң уңайлы көннәрне билгеләргә кирәк. Интернет чыганакларга күз салсак, белгечләр безгә алдагы өч айда түбәндәге көннәргә игътибар итәргә куша.  

Февраль: 11-16, 19-22
Март: 1-6, 12-14, 18-23, 27-31
Апрель: 1-3, 6-7, 9-11, 14-21

Помидор үсентеләре җитди авыруларга юлыкмасын өчен утырту алдыннан барлык орлыклар зарарсызландырыла. Дезинфекция йомшак марганец эремәсе ярдәмендә үткәрелә. Аны әзерләү өчен 200 миллиграмм суга 2 грамм марганец кушыла, шуннан соң катнашма җентекләп болгатыла. Марганецта бөртекләрне 40 минутлап тотарга кирәк.

фото: https://ru.freepik.com