Махсус техника тәүлек буе эшләгән

Дүшәмбе киңәшмәсендә Башкарма комитет җитәкчесенең беренче урынбасары Илья Зуев урамнарны, ишегалларын кардан чистарту мәсьәләсенә тукталды:  

"Шәһәр урамнарына 150дән артык техника чыга. Көчле явымнардан соң «Автомобиль юллары» предприятиесе хезмәткәрләре тәүлек буена эшләде. 150дән артык техника, 120 кеше юлларны кардан чистартты", – диде ул.

Шәһәр мэры Наил Мәһдиев: «Кар чистартуның норматив вакыты бар. Шуңа күрә предприятие һәм оешмалардан өстәмә техника җәлеп итү  зарур Гадәти режимда яуган карны без тиз арада чистартабыз. Узган атнада кар нормадан артык яуды. Мондый чакларда техника санын ике генә түгел, өч тапкыр артырырга кирәк», – дип искәртте.