Гүзәл Уразова: «Шаккатым мин! Мондыйны беренче күрүем»

Татарстанның халык артисты Гүзәл Уразова гастрольләр белән Оренбург якларында йөри. Шунда бер кунакханәгә тукталгач, шаккаткыч хәлгә тап булган.

- Дуслар, 21 ел буе гастрольләрдә йөреп, мондыйны беренче күрүем. Оренбургта кунакханәгә урнаштык. Кыйбатлы түгел, "бюджет вариант" дип әйтергә кирәк. Өч кешегә нибары 2800 сум булды. Иң гаҗәпләндергәне - без куна торган номерда сауна булды. Чын сауна! Күз алдыгызга гына китерегез. Бүлмәнең бер ягында бәдрәф, душ бүлмәсе, икенче якта - сауна. Менә сиңа Оренбург! - дип сөйләгән җырчы.