Илсөя Бәдретдинова Салават Фәтхетдиновка үзенчәлекле бүләк ясаган

Илсөя Бәдретдинова остазы, Россиянең атказанган, Татарстанның халык артисты Салават Фәтхетдинов концертына барган. Билгеле инде, буш кул белән түгел. 

Ул сәхнәгә чыгып, Салават Фәтхетдинов тиеннәренә 5 килограмм чикләвек бүләк итте. 

Салават бүләкне алгач: "Илсөя бик тырыш, үзен үзе ясаган җырчы. Мин аның шоуларын карап барам. Без икебез ике стильдә, Илсөя ирләрчә, мин хатын-кызларча эшлим... Безнең татар халкы җырсыз яши алмый. Мин Илсөяне хөрмәт итәм", - диде. 

Сүз уңаеннан, бүген Камал театрында Салават Фәтхетдиновның 36нчы сезон концертының дүртенчесе бара.
Тамашачылар зал тутырып килгәннәр.