Лев Лещенко концертлар куймый

Күренекле җырчы Лев Лещенко концертлар куймавын хәбәр итте. Mash каналы мәгълүматларына караганда, ул корпоративлардагы чыгышларын да киметкән. Аена ике урында гына җырлый. Сәбәбе: 83 яшьлек артистка ( аркасы авырту һәм тын алу кыен булганга) җырлау авыр.

Лев Валерианович утырып кына фонограммага 40 минут җырлый. Бу якынча 10 җыр. 

Легендар баритонның райдеры тыйнак: су, чәй-кофе, бутербродлар. 2,5 млн сум гонорар. Якыннары әйтүенчә, ул хәзер сәхнәгә акча өчен түгел, җырламыйча яши алмаганга гына чыга.