Марат Яруллиннан – яңа клип

Танылган җырчы Марат Яруллин клип төшерә. Моны раслап ул телеграм каналына видео урнаштырган. Анда милләттәшебез Казан фонында көймәдә йөзеп бара. Роликның астына ул "Чыгарабызмы?" дип тә язып куйган. Подписчиклары аңа бик күп җаваплар калдырган. Алар арасында: “Әйе, тизрәк! Супер! Романтика! Бик "нежный" җыр!” кебек комментарийлар шактый.

Җырның сүзләреннән аңлашылганча, анда мәңгелек мәхәббәт темасы күтәрелә. Гыйшык-мышык мәсьәләләренә килгәндә исә, Марат әлегә ялгыз. Ләкин бер интервьюсында ул: “Киләчәктә тормыш юлдашы итеп татар кызын сайлар идем. Бу минем өчен мөһим. Балаларымның татарча сөйләшүләрен, татар җырларын тыңлауларын телим. Сезнең белән ничек аралашып утырсам, аның белән дә шулай туган телемдә сөйләшәсем килә», - дип белдергән иде.