Мошенниклыкта гаепләнүче блогер Илүсә туристларга акчаларын кайтара башлаган

Исегезгә төшерәбез, алар Дубайга арзан турлар сатып, бөтен дөньяга танылды. Аннары бу гаиләне мошенниклыкта гаепләделәр, хәтта федераль эзләүгә дә бирделәр. Шушы көннәрдә билгеле булганча блогерлар, ниһаять, кешеләргә бара алмаган турлары өчен акчаларын кире кайтара башлаган. Хәтта ике кешенең счетына 500әр сум акча килгән. 

"Без әкрен генә акчаларны кире кайтара башладык. Әлегә шулай гына. Алга таба күбрәк булачак", – дип язган Илүсә социаль челтәрләрдә. 

Аларның эшчәнлегеннән зыян күрүчеләр саны бөтен Россия буенча 1000нән артык кеше исәпләнә. Зыян күләме якынча 27 миллион сум тәшкил итә. Адвокат Руслан Нагиев әлеге эшчәнлекне «мошенниклык» дип бәяләде. Бу факт буенча җинаять эше ачылды.