Шәһәрдәшебез Равил Галиевка мактаулы исем бирделәр

Бүген Татарстан Рәисе Рөстәм Миңнеханов Тукай исемендәге ТР Дәүләт премияләрен һәм “Татарстанның халык артисты” исемнәрен тапшырды. Мондый дәрәҗәле исемгә Чаллыдан ТР атказанган артисты Равил Галиев лаек булды.

Исемлектә Эльмира Кәлимуллина, Вадим Захаров, Вәис Бәйрәмов, Айгөл Бариева да, Татарстан Республикасы Халык уен кораллары дәүләт оркестры концертмейстеры һәм солисткасы Гүзәл Мөхәммәтдинова, Кәрим Тинчурин исемендәге Татар дәүләт драма һәм комедия театры актрисасы Лилия Мәхмүтова, Казан дәүләт яшь тамашачы драма театры артисты Гүзәл Шакирҗанова да бар.