Җырчы Айгөл Бариева гаиләсендә шатлыклы вакыйга

Татарстанның атказанган артисты Айгөл Бариева тормышындагы сөенечле вакыйга белән уртаклашты. 

Аларның кызлары Айлин Юсипова Казан Дәүләт авиация институтын тәмамлады. Укуда да, җәмәгать эшләрендә дә актив катнашып, җиңү арты җиңү яулаган кыз институттан кызыл дипломлы белгеч булып чыкты.

«Игелеген күрергә язсын. Яраткан эшең белән кирәкле булып, бәхетле гомер ит матурым минем. Без синең белән горурланабыз! Яратабыз! Әтиең дә барсын да күреп, белеп тора», – дип җырчы газизенә изге теләкләрен җиткергән. 

Фотолар Айгөл Бариеваның телеграмм каналыннан алынды