Җырчы Булат Нигъмәтуллин руль артында йоклап киткән

«Концерттан соң машинага 4 егет утырып, туйда чыгыш ясарга киттек. Мин рульдә, арыганмын.  Шуңа күрә туктап, 10 минут йоклап та алдым. Кояш кыздыра, шулкадәр йокы килә, шәһәргә 6-7 км тирәсе калгач, йоклап киткәнмен. Йөк машинасына килеп бәрелгәнбез, астына кереп киткәнбез, дисәк тә була.

Әле туйда акча эшләп, тәгәрмәчләрне алмаштырам, дип хыялланып барган идем. Туйда катнаша алмадым, оят булды инде... Аннары аларга шалтыратып хәбәр иткәннәр инде. 3 атна хастаханәдә ятып чыктым, мөмкин булганча «ремонтладылар», тектеләр. Кашта яра калды инде. Иң мөһиме – барыбыз да исән-сау», – диде ул.