Җырчы Гүзәлия нигә үкенә?

– Иң зур үкенечем - бала булмау... диде ул «Татарстан – Яңа гасыр» каналындагы «Сөйләшергә вакыт» тапшыруында. 

Тапшыруны алып баручы Лилия Кадыйрова аның хыяллары белән дә кызыксынды.

«Үз йортым турында хыялланам, бер эт алып җибәрәсем килә. Берничә тавык алырга уйлыйм, мин авыл кызы бит. Берничә түтәл суган, кыяр, помидор, җиләк үстерәсем килә. Барыбер җир үзенә тарта ул, 40 яшьтән узгач, җир тарта башлады.   Иң зур үкенечем – бала булмау. Моны кабул иттем, дип әйтеп булмый, мин бу проблемага карата мөнәсәбәтемне үзгәрттем. Һәрбер эш вакытында эшләнергә тиеш. Бала табуның да үз вакыты бар. Соңга калырга тырышмагыз, өлгерергә тырышыгыз, яратырга, бала табарга, үстерергә, эшләргә дә, үзегезне дә яратырга», – диде ул.