Чаллы балалар бакчаларында сак чаралары көчәйтелде

Ульяновск өлкәсендәге балалар бакчасындагы атыштан соң Чаллы мәгариф учреждениеләрендә сак чаралары көчәйтелде. Ата-аналар балалар бакчаларына махсус рөхсәт кәгазе (пропуск) буенча гына үтә ала. Моннан тыш, техник куркынычсызлык чаралары урнаштыру эше дә алып барылачак. 

Исегезгә төшерәбез: 26 апрельдә Ульяновск өлкәсенең Вешкайма бистәсендә урнашкан балалар бакчасына коралланган ир-ат бәреп керә һәм ут ача. Каравылчы булмау сәбәпле аның юлына берәү дә аркылы төшми. Нәтиҗәдә, бер кече тәрбияче һәм ике бала һәлак була. Тулырак моннан укый аласыз. 
Илшат Солтанов