5нче хастаханә кабаттан ковид статусы алырга мөмкин

Биредә 70 урынлык бүлек эшли башлады. Бу вирус йоктыручылар саны артуга бәйле. Авыруларны бирегә ашыгыч ярдәм хезмәте алып киләчәк. Хастаханәнең башка бүлекләре гадәти режимда эшли. 
ТР Роспотребнадзорның территориаль бүлеге мәгълүматлары буенча, пандемия башланганнан шәһәрдә коронавирус инфекциясенең 6596 очрагы теркәлгән. Бүгенге көнгә 372 кеше – табиблар күзәтүе астында.  Узган атна белән чагыштырганда, авыручылар саны 3 тапкыр арткан. Ковид йоктыручыларны шәһәрнең йогышлы авырулар хастаханәсендә дә кабул итәләр.  
Исегезгә төшерәбез, 5нче шәһәр хастаханәсе узган елның 10нчы декабрендә генә коронавируслы авыруларны кабул итүдән туктаган иде.