Роспотребнадзор коронавирусның яңа дулкыны турында кисәтә

Россиядә коронавирусның яңа дулкыны көзен сезонлы инфекция буларак башланырга мөмкин. “Роспотребнадзор”ның Эпидемиология фәнни-тикшеренү институты директоры урынбасары Наталья Пшеничная шулай дип белдергән. Бу хакта “РИА Новости” яза.

“COVID-19 акрынлап сезонлы инфекциягә әйләнеп килә. SARS-CoV2 көзен кабат көчәергә мөмкин”, – дигән ул. Аның әйтүенчә, гадәттә көз көне сулыш органнарына бәрүче күп кенә инфекцияләр, шул исәптән сезонлы коронавируслар “баш калкыта”.
Исегезгә төшерәбез: моңа кадәр сәламәтлек саклау министры Михаил Мурашко Россиядә коронавирусның май ахыры-июньдә көчәячәген фаразлаган иде.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).