Сарымсак угы нәрсәдән файдалы?

Белгечләр салкын тигәндә сарымсак һәм аның угын ашарга киңәш итәләр. Анда иммунитетны ныгытучы фитонцид дигән матдә бар. Моннан тыш сарымсак угы С, А, В6, В12 витаминнарына, организмның картаюны акрынайта торган антиоксидантларга да бай. Шулай ук ул организмнан токсиннарны чыгара, паразитлардан чистарта. Сарымсак угы яман шешне дә кисәтә. Ул аппетитны яхшырта, ашкайнату системасын җайга сала. Ирләр өчен дә сарымсакның файдасы зур.
 
Тынычлану өчен сарымсак угын шул килеш кенә өзеп ашау да файдалы. Нерв системасы өчен файдалы В1, В2, С һәм никотин кислотасына бай булганлыктан, ул кәефне күтәрә, хроник арыганлыкны бетерә. Баш мие дә яхшырак эшли башлый.