Бер сәгатькә артка күчәбез

22 июльдә Россия Президенты Владимир Путин "Кышкы вакытка күчү турында"гы законны имзалады.

Әлеге карар нигезендә, бу елның көзендә үк Россиядә сәгатьләр бер сәгать артка күчереләчәк (кире "кышкы вакыт"ка кайтарылачак) һәм шул рәвештә калдырылачак: бүтән кышкы һәм җәйге вакытларга күчү булмаячак. Әлеге закон үз көченә 2014 елның 26 октябрендә төнге сәгать 2дә сәгать укларын күчергән вакытта керәчәк.

Шул ук закон Россиядә 11 сәгать зонасын кертә. Әйтергә кирәк, Татарстан икенче сәгать зонасына карый (Мәскәү вакыты).