Чаллы инспекторлары машина хуҗаларын кисәтә

Чаллыда кар чистарту эшенә комачаулаучы машиналарны эвакуацияләячәкләр. Юл хәрәкәте дәүләт автоинспекциясе шул хакта кисәтә. 

“Автомобильләрегезне юл читләрендә, тиешсез урыннарда калдырмагыз. Алар шәһәр урамнарында һәм проспектларында эшләүче чистарту техникасы эшендә тоткарлыклар тудыра. Юлчыларга комачаулаучы машиналар штрафстоянкага озатылачак ”, - дип кисәтә инспекторлар. 

Исегезгә төшерәбез: бүгенге көндә машинаны махсус стоянкага эвакуацияләү бәясе 3200 сумны тәшкил итә. Шуларга саклау вакыты да өстәлә. Бу хакта тулырак БИРЕДӘ укый аласыз.