Чаллы кешесен белдерүләр сайты аша алдаганнар

46 яшьлек чаллы кешесен бушлай белдерүләр сайты аша мошенниклар алдаган. Эш шунда: ул интернет аша электрон пианино сатып алмакчы була. Күңеленә хкш килгән игъланны күргәч, сатучысы белән элемтәгә керә. Соңгысы аңа акча күчерү өчен реквизитлар бирә һәм пианино бәясен тулысынча капларга куша. Шәһәрдәшебез аны-моны уйламый әлеге таләпләрне үти һәм 100 мең сум акча күчерә. Икенче көнгә инде әлеге игъланнар сайты интернеттан юкка чыга. Билгеле, вәгъдә ителгән пианино да килми. 

Әлеге очрак буенча җинаять эше кузгатыла.