Чаллы халкы Газа секторына гуманитар ярдәм җибәрде

"Әлхәмдүлилләһ, бүген Газа секторы халкы өчен Казанга гуманитар ярдәм машинасы җибәрдек. Газель кирәк-яраклар белән шыплап тулды. Моннан тыш, 307 мең 600 сум күләмендә матди ярдәм җыюга да ирештек. Акча һәм кирәк-яракларны мәчетләр ярдәмендә бөтен Тукай районы буенча җыйдык. Үз өлешен керткән һәркайсыбызга Аллаһы Тәгалә әҗер-савабын бирсен иде", - ди Тукай районы имам мөхтәсибенең ярдәмчесе Сәлман хәзрәт Исмәгыйлев. 

Исегезгә төшерәбез, узган атнада Сидоровка бистәсендәге "Ихлас" мәчете Израиль һөҗүменнән зыян күргән Газа секторы халкына гуманитар ярдәм җыюны игълан итте (моннан укы).