Чаллыда легендар төзүче Евгений Батенчук һәйкәленә чәчәкләр салдылар

Чаллыда Төзүчеләр көне традиция буенча легендар төзүче Евгений Батенчук һәйкәленә чәчәкләр салудан башланды. Быел чара берничә мөһим вакыйганы берләштерде: төзүчеләр бәйрәме, шәһәрнең - 400, автогигантта беренче КАМАЗ йөк машинасы чыгуга 50 ел. 

 Чарада шәһәр һәм республика җитәкчеләре, тармак ветераннары, шәһәрдәшләр катнашты. 

Аларны бәйрәм белән Чаллы мэры Наил Мәһдиев, РФ Дәүләт Думасы депутаты Әлфия Когогина, ТР төзелеш, архитектура һәм торак-коммуналь хуҗалык министры урынбасары Илшат Гыймаев котлады. 

Наил Мәһдиев Чаллыда Төзүчеләр бәйрәменең юкка гына Евгений Батенчук һәйкәле яныннан башланмавын әйтте. Батенчук -  шәһәр һәм автогигант төзелешендә мөһим роль уйнаган кеше.

Мэр әйтүенчә, аның хезмәте нәтиҗәсендә җитәкчеләргә Кама буенда шәһәр һәм автогигант төзү буенча масштаблы проект тормышка ашырылды. 

 "Евгений Никанорович һәм аның коллективы нәтиҗәсендә мөмкин булмаган эш тормышка ашты. Бүген без ул башлаган бөек эшне дәвам итүчеләргә рәхмәтле", - диде ул.

Әлфия Когогина шәһәрдәшләрне Төзүчеләр көненең 70 еллыгы белән котлады һәм тармак вәкилләренең Чаллы үсешенә зур өлеш кертүләрен билгеләп үтте. Аның әйтүенчә, төзүчеләрнең хезмәте нәтиҗәсендә Кама буендагы кечкенә шәһәр заманча сәнәгать үзәгенә әйләнде. 

 Тантана Евгений Батенчук һәйкәленә чәчәкләр салу белән тәмамланды. 

Фотолар шәһәр хакимиятенең мәгълүмати сәясәт идарәсеннән алынды.