Май бәяләре үсешен туктату өчен Россиядән көнбагыш орлыкларын чыгаруга пошлина күтәреләчәк

Россиядән көнбагыш орлыкларын чыгаруга пошлина кертү көнбагышка бәяләрне киметергә һәм көнбагыш мае бәясен тотрыкландырырга ярдәм итәчәк. Бу хакта «Татар-информ» мәгълүмат агентлыгына Россия Май берлеге башкарма директоры Михаил Мальцев сөйләде.

"Без Россия Федерациясе Авыл хуҗалыгы министрлыгына һәм Россия Хөкүмәтенә көнбагышка 30% күләмендә экспорт пошлинасы рәвешендә саклау чарасын керткән өчен рәхмәтле. Базар бу карарга көнбагышның бәясе төшүгә йогынты ясады инде. Без күптән түгел РФ Президенты бәяләр үсешенә кагылышлы борчуны аңлыйбыз, шуңа күрә безнең предприятиеләр алга таба эш итәргә булдык. Инде хәзер үк, Яңа ел бәйрәмнәре алдыннан, без, социаль җаваплы бизнес буларак, көнбагыш маена бәяләрне киметәбез, чималга бәяләр төшүне көтеп тормыйча», — дип ассызыклады Мальцев.