Сабан туена нинди һава торышы көтелә?

Татарстанда июнь аенда һава торышы климатик нормадан югарырак булачак. Бу хакта КФУ Экология һәм табигатьтән файдалану институты метеорология, климатология һәм экология кафедрасы доценты Тимур Әүхәдиев хәбәр итте.

Ә менә Гисметео сайты мәгълүматларына караганда исә, алдагы көннәрдә терекөмеш баганасы якынча +19 +25 градуслар арасында тирбәләчәк. 21ннән 25нә кадәр кыска вакытлы яңгырлар явуы да көтелә. 23 июньдә исә, мөгаен, айның иң салкын көне булыр. Бу көнне ниабры +13 градус булырга мөмкин дип фаразлана. 

Кызганычка каршы, якынлашып килүче милли бәйрәмебез көннәрендә дә һава торышы безне артык куандырырга теләмәячәк. Метеоинфо сайты хәбәр итүенчә, 10-11 июньдә ниабры +16 +17 градус җылы булыр дип фаразлана. Өстәвенә, яңгыр да явачак.