Моңарчы Сергей Яцковский «Шәһәр транспорты» муниципаль предприятисендә эшләгән.
Бүген Яр Чаллы шәһәре җитәкчелеге Шәһәр советы депутатларына һәм Башкарма комитет коллективына торак-коммуналь хуҗалык өлкәсендәге яңа җитәкчене тәкъдим итте: шәһәр хуҗалыгы һәм халык яшәешен тәэмин итү идарәсе башлыгы вазыйфасына Сергей Яцковский билгеләнде.
Моңарчы Сергей Леонидович «Шәһәр транспорты» муниципаль предприятисенең баш инженеры булып эшләде. Югары белемле, Кама дәүләт инженер-икътисад академиясен тәмамлаган, «Пассажираларны ташуны оештыру һәм транспортта идарә итү» белгечлеге алган, квалификациясе — «инженер».
Хезмәт юлын КАМАЗның трамвай идарәсендә башлаган. 2000 елдан «Электротранспорт» предприятиесендә эшли: электромонтердан башлап депо башлыгы, баш инженерга кадәр юл узган.
Сергей Яцковскийга 50 яшь. Ул үз вазыйфаларын үтәүгә бүгеннән кереште.
Нет комментариев