Татарстанда авиаһәлакәттә исән калган ир-атның хәле ничек?

48 яшьлек ир-ат һаман авыр хәлдә, реанимациядә. Аңа операция ясаганнар. Мультидисциплинар бригада эшли. Ул тәүлек дәвамында күзәтчелек астында, дип хәбәр итә ТР Сәламәтлек саклау министрылыгы.  

Исегезгә төшерәбез, Кама Тамагы районындагы фаҗига 11 июль көнне булды. «Кукурузник» очып барган җиреннән җиргә төшеп дөрләп янды. Авиаһәлакәттә пилот, әни кеше һәм аның 11 яшьлек кызы вафат булды. Гаилә башлыгын авыр хәлдә хастаханәгә озаттылар. Әлеге гаиләнең Воронеждан булуы билгеле. 

Хәзерге вакытта фаҗига сәбәпләре ачыклана. Җиңел моторлы самолетның хуҗасы билгеле. Очкычта экскурсияләрне «Letai s nami» аэроклубы оештырган булган.