Тукай районындагы авария: «Малайларның икесе авыр хәлдә Казанга озатылды»

Чаллы - Зәй - Әлмәт - Түбән Кама юлында чыккан авариядә берьюлы 7 кеше зыян күрде. Аларның 4се - балалар. Иң кечесенә нибары 1 яшь. Юл-транспорт һәлакәте турында тулырак монда яздык. 

"1 һәм 11 яшьлек малайлар авыр хәлдә вертолёт белән Казанга озатылды. 8 яшьлек малай һәм 5 яшьлек кыз Кама балалар медицина үзәгенең травматология бүлегендә дәвалана. Машина йөртүчеләрнең икесе дә БСМПның реанимация бүлегендә. 50 яшьлек "Лада" машинасы хуҗасы операция кичерде. "Лада приора" машинасын йөртүче 36 яшьлек хатын-кызның хәле уртача бәяләнә. Тагын бер пассажирның җилкә сөяге сынган", - дип хәбәр итте ашыгыч ярдәм күрсәтү хастаханәсенең матбугат хезмәте.