Вирусолог коронавирус белән кабат зарарлануга тәэсир итүче фактор турында сөйләде.

 Бу хакта "Sputnik" радиосына биргән интервьюсында вирусолог, Гамалеи исемендәге эпидемиология һәм микробиология фәнни-тикшеренү институты профессоры Анатолий Альтштейн сөйләде. Белгеч фикеренчә, кабат инфекцияләү ихтималын беренче чир вакытында ук бәяләргә мөмкин. Биредә кешенең иммунитеты төп фактор булачак.
- Әгәр инфекция йоктырганда иммунитет бик йомшак булса, бу симптомсыз формада да булырга мөмкин, ул чакта кеше кабат авырырга мөмкин, — дип саный Альтштейн.
Ул искәрткәнчә, коронавирустан төп саклау — кешенең табигый иммунитеты. Альтштейн фикеренчә, коронавирусны симптомсыз кичергән кешеләр дә кабат йоктыра ала. Шул ук вакытта сирәк очракларда кабат инфекция беренчесенә караганда авыррак булырга мөмкин, дип кисәтте ул.