Фейхоа бик файдалы

Кибетләрдә фейхоа сатыла башлады. Белгечләр әйтүенчә, ул витаминнарга бик бай һәм тәмле җимеш.

Ул диетик продукт булып санала.

Андагы йод күләме хәтта диңгез ризыкларына караганда да күбрәк.
Калкансыман биз авыруларын кисәтү өчен, эч катканда, витаминнар җитмәгәндә, атеросклероз вакытында фейхоа бик файдалы.
Кабыгындагы көчле антиоксидантлар онкология чирләрен булдырмый калуда булыша.
С витамины салкын тигәндә, иммунитетны күтәрү өчен яхшы.

Зыяны
Фейхоада шикәр күп. Шуңа да аллергияле, шикәр диабетлы кешеләргә аны чамасын белеп кенә ашарга кирәк.
Артык күп ашасаң, йөрәк еш тибәргә яисә хәлсезлек күзәтелергә мөмкин.
Фейхоаны сыер сөте белән кулланмаска кушалар. Бу – ашказаны өчен зыянлы.