Карлыганнан биш минутлык кайнатма

23 стакан, гадәттә, 5 литр инде ул. Желе формасындагы бу кайнатманы әзерләү өчен 1 сәгатьләп вакыт үтә. 
Кәстрүлгә 7 стакан су салып, шуны кайнатып чыгарабыз. Шуңа 15 стакан шикәр комы кушып, кайнатып чыгарып, 10 минут кайнатып торабыз да, күбеген җыябыз. Сүндереп 10 минут тотабыз. Бу мөһим!

Аннары шуңа 23 стакан карлыганны салып, кайнатып чыгарабыз, 5 минут кайнатабыз. Соңыннан кайнатманы сүндерәбез һәм тагын 15 стакан шикәр комы кушып, 10 минут буе болгатып торабыз. Бу желе булып формалашсын, кайнатма шикәрләнеп китмәсен өчен эшләнә.

Алга таба стерильләштерелгән банкаларга тутырабыз. Желе рәвешенә килсен өчен салкынча урынга куябыз. 

Римма Тинбакова.
/ Фото Римма Тинбаковадан