Консервланган борыч белән помидор

Кирәкле ингредиентлар:
Баллы борыч, помидор, суган кирәк. Маринад өчен: 3 л суга 3 аш кашыгы тоз, 7 аш кашыгы шикәр, хуш исле борыч, дәфнә яфрагы (лавр), 1 стакан 9%-лы аш серкәсе.

Эш барышы:
Банканы парда тотып алабыз. Төбенә яшел тәмләткечләр, сарымсак салабыз, 3 аш кашыгы көнбагыш мае агызабыз. Борыч, помидор, боҗралап туралган суган тутырабыз. Өстенә маринадны коеп, банканы 10 минут су тутырылган кәстрүлдә кайнатып чыгарабыз.