Салкын тисә сарымсак чәе эчегез

Салкын тидергән булсагыз, кыйммәтле дарулар алганчы, сарымсак чәе эчеп карый аласыз. Ул авыру чорын кыскарта һәм терелү процессын тизләтә. 

Аны әзерләү бик җиңел: 1 тырнак сарымсакны төеп, 5 минут “ял иттерергә” дә, 200 мл кайнаган су коеп, 5-7 минут төнәтергә. Әлеге чәйне берьюлы эчеп бетерергә кирәк. Исе һәм тәме ягыннан аерылып торса да, файдасы күп.

Салкын тиюнең һәр чорында сарымсаклы дәвалануны туктатмагыз. Вакланган сарымсакны кефир яки простоквашага да кушып эчәргә була. Әлеге состав шулай ук эчәк флорасын чистарта.

Бу ысуллар сарымсакка аллергиясе булмаган кешешләр өчен генә. Дәваланганчы табибыгыз белән киңәшләшеп алу да мәслихәт. 

фото: https://ru.freepik.com