Автобусларда – кондукторлар

Электротранспорт предприятиесе шәһәр маршрутларында йөрүче яңа автобусларга кондукторлар куярга мәҗбүр. Әлеге транспортта түләү системасын камилләштерү өчен башта линияләрдә контролерлар эшләгән иде. Алар шәһәрдәшләргә салонга керү белән үк билет алырга кирәклеген аңлатты. Әмма оешма хезмәткәрләре вакытында билет алмауның сәбәбе пассажирларда гына түгел, автобус йөртүчеләрдә дә барлыгын ачыклаган. Трамвайларда кондукторларның эшләве уңай нәтиҗә бирүе билгеле, автобусларда да шулай булыр дип өмет ителә. Моннан тыш халыкны эш белән тәэмин итүдә дә бу отышлы.