Җылылык өчен күбрәк түләячәкбез

Коммуналь хезмәтләр өчен түләүләр кимергә җыенмый. Бигрәк тә җылылык белән тәэмин итү тарифларын тагын да күтәрү турында искәртә хөкүмәт.

Дөрес, саннарга күз салсак, алгы елларда арту күзәтелми. Әйтик, 2015 елда җылылык бәяләрендә үсеш - 7%, 2016 елда - 5,5%, 2017 елда 4,2% тәшкил итәчәк. Бу нисбәттән, РФ икътисадый үсеш министры Алексей Улюкаевның аңлатмасы игътибарга лаек. "Узган елдагы инфляция дәрәҗәсе белән чагыштырганда, алдагы индексация барыбер түбәнрәк. Һәм ул 2014 елда газ бәяләрен нульле индексацияләүдән килеп туган икътисадый-сәяси вазгыять белән бәйле", - дип, әлеге ситуациягә ачыклык кертте министр.